Studentat

Prof.as. Eda Vula

2007-11-07T01:22:00.000+01:00

Të dhëna biografike

Eda Vula u lind më 12.08.1966 në Gjakovë. Shkollën fillore dhe të mesmen i mbaroi në vendlindje. Studimet e matematikës në Fakultetin e Shkencave Matematike-Natyrore (FSHMN) në Prishtine i regjistroi në vitin 1984 dhe i përfundoi në vitin 1988 me notë mesatare 9.10. Studimet pasuniversitare në lëminë e topologjisë i mbaroi në vitin 1997, duke mbrojtur temën e magjistraturës me titull “FIBRACIONET DHE FIBRACIONET E FORMES”. Në datën 30 shtator 2006 mbrojti me sukses disertacionin e doktoratës me titull “ZGJIDHJA E PROBLEMEVE MATEMATIKORE DHE VLERËSIMI I TYRE”.
Eda Vula filloi punën në vitin 1988 si mësimdhënëse e matematikës në gjimnazin “H. Dushi” në Gjakovë. Në vitin 1989, u angazhua si asistente në Seksionin e Matematikës të Fakultetit të Shkencave Matematike-Natyrore në Prishtinë, ndërsa në vitin 1993 u rizgjodh në këtë thirrje. Gjatë punës në FSHMN mbajti ushtrime nga lëndët: EDZ dhe EPI, Analizë II, Topologji, Hapësira metrike, Analizë funksionale, Gjeometri deskriptive, Matematkë I dhe II në Fizikë dhe Kimi, si dhe ligjërata në lëndët: Metodat matematikore në Ekologji, Matematika në Kimi, Matematika në departamentin e Gjeografisë dhe Metodika e mësimit të matematikës. Në periudhën 1989-2002 u angazhua në Shkollën e Lartë Pedagogjike “Bajram Curri” në Gjakovë si mësimdhënëse për lëndët Matematika dhe Metodika e matematikës.
Me themelimin e Fakultetit të Edukimit, në vitin shkollor 2002/03 Eda Vula vazhdon karrierrën e saj si mësimdhënëse e këtij institucioni të ri. Më 15.11.2002 zgjedhet
ligjëruese, ndërsa mban mësimimin nga lëndët Matematika elementare I, Matematika elementare II, Matematika I dhe Matematika II. Që nga viti 2006 është prodekane për çështje akademike në Fakultet.

Punimet shkencore dhe profesionale

1. Zgjidhja e problemeve matematikore dhe vlerësimi i tyre
Teza e doktoratës vlerëson ndikimin e metodave të mësimdhënies së matematikës në qëndrimet e mësimdhënësve dhe nxënësve për zgjidhjen e problemeve me fjalë dhe me përmbajtje nga jeta e përditshme, në shkollat e mesme të ulta të Kosovës.
Shqyrtimi dhe zgjidhja e problemeve, zë një vend qendror në punimin e doktoraturës. Paraqitja e këndvështrimeve të ndryshme për natyrën e problemeve dhe futja e tyre në kontekstin e të nxënit, është paraqitur në mënyrë sistematike duke u mbështetur në shumë kërkime shkencore. Identifikimi i pikëpamjeve të ndryshme të mësimdhënësve për matematikën dhe i faktorëve që përcaktojnë suksesin në zgjidhjen e problemeve kanë shërbyer si një strukturë përcjellëse e këtij hulumtimi.
Rezultatet e hulumtimit janë të mbështetura mbi bazën teorike të çështjeve të trajtuara në punim dhe nga shqyrtimi analitik i të dhënave. Këtu, autorja shfrytëzon shumë rezultate të studimeve shkencore të kësaj fushe, të cilat i përdor për të nxjerrë përfundimet e këtij studimi. Një nga rezultatet kualitative tregon se, në klasat ku zhvillohet mësimdhënia tradicionale, nga vetë mësimdhënësit, matematika shikohet si lëndë që për bazë ka rregullat, formulat, ekuacionet dhe procedurat. Pra mësimdhënësit kanë më shumë një qëndrim platonik dhe instrumentalist. Kurse, pikëpamje të bazuar në zgjidhjen e problemeve, është provuar se kanë mësimdhënësit, që përdorin metodat ndërvepruese të mësimdhënies, dhe që matematikën e shohin si lëndë që mësohet gjatë procesit të zgjidhjes së problemeve.
2. Critical thinking and the Kosovan educators’ (Të menduarit kritik dhe mësimdhënësit kosovarë) Mediterranean Journal of Educational Studies. Vol.11 No.1, 2006.
Në këtë revistë prestigjioze mesdhetare, me recension ndërkombëtar, e botuar nga Universiteti i Maltës, trajtohen disa nga aspektet kryesore të zbatimit të metodave të të menduarit kritik në mjedisin arsimor të Kosovës, ku rezultatet e zbatimit të projektit janë evidentuar përmes analizës induktive dhe analizës statistikore të rezultateve të pjesëmarrësve në projekt si edhe të intervistave në nivele të ndryshme.
3. Karakterizimi i fibracioneve me anë të funksionit të ngritjes. Buletini i SHLP ‘B. Curri’ në Gjakovë, Nr. 4-5/1997
Në këtë punim është dhënë problemi i ngritjes dhe është treguar se pasqyrimi i hapësirave topologjike, është fibracion atëherë dhe vetëm atëherë kur ekziston funksioni i ngritjes përBEp→:p. Po ashtu, janë treguar edhe dy rrjedhime të rëndësishme të këtij pohimi. Në të parin tregohet se, në qoftë se është pasqyrim i hapësirave metrike, i cili ka vetinë e ngritjes së homotopisë (HLP) në lidhje me klasën e të gjitha hapësirave metrike, atëherë BEp→:pështë fibracion. Ndërsa në rrjedhim e dytë është treguar se, në qoftë se
BEp→: është fibracion dhe B është hapësirë metrike atëherë është fibracion i rregullt. p
4. Matematika. Detyra të zgjidhura për studentët e mësimit klasor. 1998.
Kjo dispensë është hartuar në përputhje me plan programin e lëndës Matematika për studentët e grupit klasor. Detyrat dhe zgjidhjet e tyre mundësojnë që të zhvillohet puna e pavarur e studentit me qëllim të përvetësimit dhe zbatimit të njohurive nga Logjika matematikore dhe teoria e bashkësive dhe nga Gjeometria elementare ne rrafsh.
5. Nxënia në bashkëpunim në lëndën e matematikës. Shkëndija, mars 2002.
Në kuadër të projektit “Zhvillimi i mendimit kritik gjatë leximit dhe shkrimit”, janë hartuar një numër i konsiderueshëm i mësimeve modele. Shumë nga ato kanë për bazë të nxënit në bashkëpunim. Në këtë model është paraqitur zbatimi i teknikave të të nxënit në bashkëpunim në lëndën e matematikës.
6. Strategji të reja të mësimdhënies dhe të nxënit në lëndën e matematikës, 2004
Bashkautorë: Në këtë doracak, janë prezantuar disa aspekte teorike dhe praktike të mësimdhënies së matematikës të cilat kanë mundësuar realizimin me sukses të seminareve për aftësimin e mësimdhënësve, në kuadër të projektit të Tempus-it.
7. Matematika 6, Dukagjini Pejë, 2003
Bashkautorë: Tekst shkollor i matematikës për nxënësit e klasës së gjashtë të shkollës së mesme të ulët.
8. Matematika 7, Dukagjini Pejë, 2004
Bashkautorë: Tekst shkollor i matematikës për nxënësit e klasës së shtatë të shkollës së mesme të ulët.

Aktivitetet për zhvillim profesional

Eda Vula tregoi interesim të konsiderueshëm për zhvillim profesional, si në fushën e mësimdhënies, ashtu edhe në atë të kërkimit. Pas vitit 1999 ka vijuar këto trajnime:
- Programi Hap pas Hapi në kuadër të Iniciativës së Shkollave të Larta, Tiranë, mars 2000
- Programi “Zhvillimi i mendimit kritik gjatë leximit dhe shkrimit”, KEC, Prishtinë, tetor 2001
- Projekti për Aftësimin e Mësimdhënësve Kosovar, “Mësimdhënia me nxënësin në qendër” , 24.07.2001-03.08.2001
- Projekti për Aftësimin e Mësimdhënësve Kosovar, “ Mësimdhënia për nxënie efektive”, 04-07 qershor 2003
- Methodology of teaching Mathematics in Dubrovnik, March 10-14 / 2003
- Methodology of teaching Mathematics in Budva, March 8-12 /2004
- Metodat kualitative në hulumtime, tetor 2004, KEC Prishtina
Që nga gushti i vitit 2001 udhëheq trajnimet e mësimdhënësve në kuadër të projektit Zhvillimi i mendimit kritik gjatë leximit dhe shkrimit dhe është e certifikuar si certifikuese nga Shoqata Ndërkombëtare e Leximit me seli në Washington DC në bazë të Standardeve ndërkombëtare të programit.

Pjesëmarrja në Konferenca ndërkombëtare

- The 5th Annual RWCT Conference 9-13 June 2001 in Brasov, Rumania
- “Opening Borders, Changing Minds” The RËCT Program in Higher Education,
23-25 October 2002, Elbasan, Albania (presentation in the Regional Workshop ëith the topic “RËCT strategies in HE, a possibility to integrate”
- Fourth European Conference on gender equality in higher education, Oxford Brookes University, Oxford U.K. 31st August- 3rd September 2005
- Vizitë studimore në Institutin regjional për hulumtime në edukim, IRRE Lombardia, në Milano nga 2-12 korrik 2006 organizuar nga Ministria e jashtme e Italisë.
- Vizitë studimore e Këshillit Drejtues të Programit për Aftësimin e Mësimdhënësve, Kanada, tetor 2006.

Të nderuar Studentë

2007-11-02T14:04:00.000+01:00

MIRË SE VINI në Universitetin e Prishtinës. Universiteti ynë është relativisht i ri krahasuar me traditat universitare nëpër vendet e ndryshme të botës. Më 15 shkurt të vitit 2007 festuam 37 vjetorin. Rikujtuam tërë kohën e tij që nga themelimi e deri më sot, praktikën tonë unike nëpër të cilën kaluam si popull dhe si akademik. Prej vitit 1991 e deri pas çlirimit të vendit në qershor të vitit 1999, Universiteti punoi dhe veproi në kushtet e mbijetesës së rëndë nëpër të cilën kaloi tërë Kosova. U mbajt me sakrificë të madhe tempoja e jetës dhe punës akademike, por çmimi në cilësi u pagua lartë. Pas luftës u desh kohë e madhe për të lëvizur gjërat nga pika tepër e ulët në të cilën na kishte shtyrë regjimi serb i Milosheviqit. Roli dhe rëndësia e Universitetit të Prishtinës që nga themelimi i tij kanë qenë tipike për rolet e rëndësitë që universitetet kanë luajtur nepër vendet e qytetërimit perëndimor, iluminist dhe çlirues nga tutela e të tjerëve.

Më 15 shkurt filluam pilot projektet e IT për dy njësitë tona akademike, një në Fakultetetin e Inxhinerisë Elektrike dhe Kompjuterike dhe tjetrin në Fakultetin e Mjekësisë. E quajtëm “Vizioni e-UP 2010”, i cili ka për qëllim nxjerrjen e Universitetit nga sistemi i vjetër i jetës dhe punës, në të gjitha aspektet e tij: akademike, administrative dhe financiare.
Sistemi i jetës dhe punës që trashëguam i takon shekullit që e lamë pas.

I dedikuar për mësim dhe hulumtim, sipas vlerave e sistemeve perëndimore, Universiteti i Prishtinës po bënë hapa të guximishëm për të shkuar kah Procesi i Bolonjës. Në fakt, Universiteti i Prishtinës, marrë parasyshë të kaluarën e tij të vështirë, ka nevojë më shumë se për Bolonjën, ajo që e quajta “Bolonja Plus”, don të thotë rimodelimi i tij gradual sipas sistemit të vlerave të universiteveve më të përparuara të vendeve evro-atlantike. Këtë do ta arrijmë pashmangshëm. Në emër të këtij qëllimi të përbashkët, Ju ftojmë të jeni me ne, krahas përpjekjeve tona fisnike dhe për të mirën e gjeneratave që vijnë pas nesh.

Mirëpresim komentet Tuaja dhe ndihmën në rrugëtimin tonë drejt Perëndimit, drejt kulturave e vlerave arsimore dhe universitare të qytetërimit të cilit objektivisht i takojmë.

Enver HASANI

KËSHILLI STUDENTOR I FAKULTETI TË EDUKIMIT

2007-10-05T03:13:00.000+02:00

Projekti:A ia vlen të kunsomohet Droga, Alkooli dhe Duhani?

Qëllimi i projektit:
Qëllimi jonë është që përmes këtij projekti të ofrojm informata të detajizuara për pasojat të cilat i shkakton konsumimi i drogës alkoli dhe duhanit dhe në këtë mënyrë të ndikojm në zvoglimin e numrit të përdorusve.

Objektivat:
Përmes këtij projekti ne synojm:
-që ti informojm të gjithë studentët e Universitetit të Prishtinës për pasojat shëndetësore, ekonomike dhe sociale të cilat rrjedhin prej konsumimit të tyre,
-që këto informata ata t'ua tranësmetojm të afërmeve të tyre dhe të ndikojn në ta që mos të fillojn konsumimin e tyre gjëgjësishtë të ndërprejn atë.

Strategjia dhe metedologjia:
Ky projekt do të ralizovet në Universitetin e Prishtinës dhe do të përfishij shpërndarjen e broshurave, posterave dhe shenjavë kundër tyre.

Target grupet:
Projekti ju dedikohet në radhë të parë studentëve të të gjitha faklutetëve të Universiteteti të Prishtinës por edhe personelit të këti Universitetit dhe të intersuarve të tjerë.

Aktiviteti dhe implementimi:
Këtë projekt do të realizoj komisoni për shëndetësi pran Këshilli i FE-së. Në këtë projekt përfshihen:

Broshurat
Do të shtypen 4000 broshura (numri minimal i mundshëm, duke pasur parasysh numrin shumë me të madh të studentëve). Në këto broshura do të shënohen fakte të shumta për prejardhjen e drogës, alkoolit dhe duhanit, pasojat shëndëtsore, ekonomike dhe sociale të cilat ato i shkaktojn. Poashtu këto broshuara do të jenë të dizajnuara me fotografi të ndryshme.

Posterët
Kemi planifikuar që të shtypen 350 postera, në të cilën do të këtë mesazhe të qarta kundër drogës, alkoolit dhe duhanit. Këto mesazhe do të jenë të shoqëruara me fotografi përkatëse.

Fletëngjitëset me shenjën ku tregojn se sa është i rrëzikshëm konsumimi i drogës.

Fletëngjitëset me shenjën ku tregojn se sa është i rrëzikshëm konsumimi i alkoolit.

Fletëngjitëset me shenjën ku tregojn se sa është i rrëzikshëm konsumimi i duhanit.

Mjetet materiale:
Për realizimin e këtij projekti novojiten 1610.00 €.

Gjysma është financuar nga Rektorati d.m.th 800 €, pjesa tejter mbete që të gjejë donjë donatorë.

Ata te cilet mendojn qe ia vlen te perkrahet ky projekt munden te financojn. Per me shume na shkruani ne email: sekretari_ks_fe@hotmail.com

Drejtuar Vajzes Se Tij ….

2007-09-27T01:13:00.000+02:00

Aq e kisha dashur që të jem afër teje, të shoh se sa je rritur. Por edhe pse jam larg, larg saqë na ndajnë dy botëra, unë e ndjej veten krenar dhe shumë afër teje, kur e di se për cka u sakrifikova, e ti bija ime e dashur, duhet të jesh shumë krenare, gjithmonë të ecësh me kokë të ngritur lart, të mos dorëzohesh edhe pse disa të mendojnë për jetime.
Unë jam larg, thash sa dy botëra, por shpirti im cdo mbrëmje vie në natë, në dhomën tënde ti përkdhel flokët e arta, flokët e gjata, që aq shumë i desha. Pas ca kohësh me anë të kësaj letre, nuk dëshiroj që të të arsyetohem për ikjen time pa fjalë, pa gjurmë, por të të them se edhe pse unë vdiqa, këtij populli të përvuajtur duhej t'i dalë dikush në krah. Unë isha i fundit që mora këtë guxim, sepse shokët e vëllezërit e mi, mu atëherë kur u paraqita për në luftë, ata vetëm se kishin ujitur tokën me gjakun e tyre, e lulet e lirisë sa vijnë e rriten. Bija ime! Ngre kokën lart, se nuk dëshiroj të të shoh se si e ndjen veten jetime. Ta lash nënën, e cila ishte frymëzimi im për të shkuar në luftë, zemra e cila gjakoi për mua, që juve t'ju shoh të lirë, të kënaqur në atdheun tonë të shkelur nga cizma e fëlliqur. Ajo prej tani do të jetë udhëzimi yt, por të përkujtoj, kujdesu shumë për të.
Bija ime!
Letrën që po e lexon, është shkruar mu në front, ku dominon fryma e barotit, fryma e lirisë, sepse llomotitjet e askujt nuk vlejnë, e as shitjet e patriotëve nuk bëjnë para, nëse nuk je në front të luftës, e të shikohesh me armikun nëpërmjet shënjestrës. Kjo është kënaqësia e vetme, që mund ta përjetojë secili që dëshiron të vdesë e jo të luftojë me shpresë që të kthehet në familje. Të lutem bija ime! Mos ma kërko varrin se nuk do të ma gjeshë. Dije edhe mbaje mend se varri im është në Sllupcan, në Tanushë, në Kalanë e Tetvës. Këtu prehen eshtrat e mia. Të lutem mos ngurro, dhe thuaju të gjithëve që mos të ngurrojnë që të më ngrisin përmendore, sepse nuk dhashë jetën për përmendore e për strofa këngësh, por vetëm e vetëm që të fitoj kënaqësinë e Zotit që e falënderoj shumë që më gatoi aq mirë. E di se tash duke i lexuar këto rreshta të pikojnë lotët, por më vie shumë e qartë se ato janë lotët e krenarisë, e jo lotët e dhimbjes për babanë e vdekur, për babanë i cili flijoi veten sikur shumë baballarë tjerë.
Bija ime!
Janë këto fjalët e mia të fundit, sepse pas kësaj nisem në një betejë në të cilën nuk ka mbrapa. Bëhu vajzë e mirë, e ndershme, e dëgjueshme ndaj nënës, bëhu vajzë e diturisë, e sinqertë. Mos lejo që kjo botë mashtruese të të kapë me thonjtë e saj të fëlliqur e të të cojë ku janë shumë vajza të mbetura rrugëve të Italisë e Evropës. Nëse bija ime nuk përfundon kjo luftë e ti rritesh, do të kisha dashur që edhe ti të jesh në rradhët e ushtrisë së popullit, sepse vdekja nuk është asgjë për ata që i ofrohen vullnetarisht. Ajo është fazë që kërkon haracin e saj, por që shpërblehet me një botë, me një jetë tjetër për të cilën po ta dinte mirë bota, do të ngarendnin të gjithë që ta marrin me shpatë. Të lutem bija ime, përshëndeti të gjithë njerëzit që më kanë njohur, të gjithë miqtë. Përshëndete nënë tënde dhe ruaje si sytë e ballit, sepse shumë e respektova dhe më respektoi. Mirë u pafshim në botën e amshuar, në botën ku nuk ka më brenga. Dhashtë Zoti që të jemi të gjithë bashkë, në njërin kopsht të Xhenetit. P.S. E dashur, mos ia trego dhe mos ia lexo letrën cupës tonë deri sa të rritet e deri sa t'i mësojë shkronjat. Ju dua shumë...!

Rektori nuk mund të shkarkojë dekanët

2007-09-26T00:59:00.000+02:00

Nuk shoh ndonjë mundësi ligjore që rektori të shkarkojë dekanin. Dekanët zgjidhen dhe shkarkohen nga Senati i Universitetit.

Flet Dukagjin Pupovci, anëtar i Këshillit Drejtues të Universitet të Prishtinës.

Si i vlerësoni veprimet e fundit të rektorit Enver Hasani,siç janë shkarkimi i një rektori dhe disa profesorëve të tjerë?

Dukagjin Pupovci: Pa hyrë në motive të shkarkimit, nuk shoh ndonjë mundësi ligjore që rektori të shkarkojë dekanin. Dekanët zgjidhen dhe shkarkohen nga Senati i Universitetit,ndërkohë që shkarkimi bëhet me shumicë të kualifikuar prej 2/3 të anëtarëve të Senatit. Mendoj se në Universitet duhet t'i shmangemi leximit të normave ligjore mes rreshtave, sidomosnë ato raste kur korniza për veprim është qartë e definuar. Përsëri pa hyrë në motive, rektori, si zyrtari më i lartë menaxhues, ka të drejtë të iniciojë procedurë disiplinore ndaj stafit akademik dhe jo akademik, gjë të cilën e ka bërë në disa raste.

Çka keni kërkuar nga Rektori të mërkurën në mbledhjen e Këshillit Drejtues?

Dukagjin Pupovci:Personalisht nuk kam kërkuar asgjë më shumë as më pak se që duhet të kërkojë një anëtar i KëshillitDrejtues. Kam kërkuar respektimin e ligjshmërisë me rastin emarrjes së vendimeve dhe do të vazhdoj ta kërkoj edhe më tutje.Në Universitet jemi ngopur me kriza në të kaluarën dhe,mendoj se duhet të përqendrohemi në probleme reale, të cilatduhet të zgjidhen brenda një kuadri ligjor të përcaktuar. Në mbledhjen e fundit është shprehur një vullnet i mirë i Këshillit Drejtues dhe i rektorit që të bashkërenditen më mirëveprimet në të ardhmen.

Enver Hasani ka thënë se roli i KD – së nuk është t’i kontrollojë shkarkimet apo emërimet eventuale të titullarëve nëpër njësitë akademike.Mendoni edhe ju kështu?

Dukagjin Pupovci: Ka të drejtë - ky nuk është roli i Këshillit Drejtues, por as i rektorit. Zgjedhjen dhe shkarkimin e dekanëve dhe të prodekanëve e bën Senati, rektori mund tëjete njëri nga propozuesit dhe, kuptohet, të ndikojë në vendime të Senatit, pasi, sipas detyrës zyrtare, e kryeson Senatin. Rektorika në dispozicion mekanizma të tjerë për të zgjidhur konflikte eventuale me titullarë të zgjedhur, por jo edhe shkarkimin - këtë mund ta bëjë vetëm organi që e ka zgjedhur titullarin. Ndërkaq, Këshilli Drejtues ka të drejtë dhe detyrë të reflektojë ndaj të gjithavendimeve të rektorit apo të Senatit që kanë të bëjnë me shkarkime dhe marrëdhënie të punës.

Pse jeni ju kundër luftimit të plagjiaturës që është duke bërë UP-ja. Dhe përseKëshilli Drejtues është duke u munduar t’i mbrojë plagjiatorët?

Dukagjin Pupovci: Nuk e di nga e keni fituar këtë përshtypje se jam kundër luftimit të plagjiarizmit - nuk më kujtohet të jem prononcuar ndonjëherë rreth kësaj teme. Pasi po më pyetni tani, po Ju them se plagjiarizmi është një dukuri e shëmtuar, e cila meriton çdo dënim, por luftimi i kësaj dukurie nuk bëhet duke denoncuarnjëri-tjetrin në mënyrë të fshehtë, e aq më pak duke marrë vendime në bazë të raporteve të komisioneve anonime. Ata që kuptojnë se një libër ose një temë doktorate është plagjiat,duhet të kenë aq guxim qytetar dhe intelektual për të dalë me emra, duke i prezantuar faktet në mënyrë të argumentuar. Keni pasur raste të tilla në gazetën tuaj dhe unë kam respekt përata që i kanë prezantuar, edhe pse nuk mund të gjykoj për saktësinë e pohimeve të tyre. Përndryshe, luftimi i plagjiarizmit shndërrohet nëqërim hepasesh personale, ose, edhe me keq, në shkëmbim të favoreve në kuptimin "hesht se do të hesht edhe unë". Është shumë e papëlqyeshme që një institucion të arsimit të lartë të kultivohet fryma e shantazhit dhe e denoncimit të njerëzve.Nuk mendoj se dikush në Këshillin Drejtues është kundër luftimit të plagjiarizmit. Përkundrazi, është diskutuar haptas për mënyrat e veprimit në raste të tilla, dhe kjo ka qenë njërandër pikat ku pajtimi i Këshillit Drejtues me rektorin ka qenë pothuaj se 100 %. Është marrë edhe një vendim që përcakton disa procedura të përkohshme.

Hasani: Kam arritur ta nxjerr UP-në nga izolimi

2007-09-26T00:51:00.000+02:00

Prishtinë, 10 korrik - Një vit pasi është vënë në krye të Universitetit të Prishtinës, Enver Hasani, në një intervistë dhënë “Kohës Ditore”, thotë se punët po i shkojnë ashtu siç ka planifikuar në menaxhimin e institucionit të cilin drejton. Megjithëse ka plane ambicioze derisa ta përfundojë mandatin, ai mund ta lërë bosh karrigen e rektorit në rast se i bëhet ofertë për ta drejtuar një qeveri të mundshme teknike, apo për ta udhëhequr diplomacinë e jashtme kosovare. Hasani është i bindur se ka hequr UP-në nga izolimi ndërkombëtar, por edhe ka depolitizuar këtë institucion. Megjithëkëtë, veprimet e fundit të politikës karshi vendimit të Senatit për mbylljen e disa departamenteve, thotë se mund ta dëmtojnë Universitetin.

Adem Jashari - më 28 nëntor 1955 u lind në Prekaz të Drenicës

2007-09-17T20:06:00.000+02:00

Këtë vit, Shaban Jasharit, krahas Festës së Flamurit, që e festonte për çdo mot, ju shtua edhe një festë tjetër - Ditëlindja e djalit të cilin e pagëzoi: Adem. Dhe ishte e natyrshme që mbi djepin e t´posalindurit në këtë ditë, Djepi të mbulohej me flamurin e Skënderbeut. Kështu ndodhi atë ditë në familjen Jashari, në Prekazin e Ahmet Delisë. Familjes se xha Shabanit iu shtua edhe një pushkë, në Drenicë jehuan krismat e pushkëve për flamur dhe ushtarin e posalindur të lirisë. Xha Shabanit ju duk se jehona e pushkëve që u zbrazën për lindjen e Adem Jasharit po shpërndahej valë - valë nëpër Drenicë e Kosovë si jehona "Oooo o o prite, prite Azem Galicën o heeejjj", e atij sikur ju duk se po ndëgjonte jehonën: "Prite, prite Adem Jasharin o heeejjj". S´do të ishte çudi që atë ditë, xha Shabani t´i kishte ndëgjuar të dy jehonat, se atë ditë e kaluara po e përcaktonte të ardhmen, ishin bërë një.
Atë ditë, Flamuri - Lindja - krisma - jehona ishin determinim i një lavdije të madhe. Adem Jashari erdhi në këtë botë me të vetmin ndryshim nga gjithë moshatarët e tij se ky u lind në ditën e fitorevë më të lavdishme të popullit shqiptar, në Ditën e 28 Nëntorit. Kështu nisi jeta në vazhdimësi në Prekazin e lavdive të përsëritshme. Në festë me krisma e këngë edhe vdekjen e bëjnë me krisma e këngë.
Xha Shabani ishte i kujdesshëm me të gjithë fëmijtë, por ndaj Ademit tregonte një kujdes të veçantë, ndoshta pse i kujtohej dita e lindjes, i kujtoheshin krismat e pushkës dhe jehonat e përsëritura të atyre krismave në 28 Nëntorin e vitit 1955.
Xha Shabani pas Luftës së Dytë Botërore, për një kohë pati ushtruar profesionin e mësuesit, por për shkak të veprimtarisë atdhetare ai do të largohet nga procesi mësimor dhe do merrej me bujqësi. Ai pa ndonjë ngurri vendosi të merrej me punimin e tokës dhe edukimin e fëmijëve në frymën e atdhetarizmes. Kështu po rritej Ademi së bashku me vëllezërit më të mëdhenj, Rifatin dhe Hamzën.
Ademi kishte një interesim të veçantë për armët, për të bëmat e prekaziotëve gjatë historisë e sidomos i interesonte akti tepër burrëror i Ahmet Delisë dhe ndihma që ai i pati dhënë fqiut, që ishte sulmuar nga bandat serbe.
Sopata e Ahmet Delisë, ajo që bandës çetnike i ndau kokat në dysh, ishtë bërë legjendë, legjendë e historisë në mbrojtje të nderit dhe dinjitetit kombëtar.
Adem Jashari kishte një interesim të veçantë për Emin Latin, prekaziotin bashkëluftëtar të Azem e Shotë Galicës, të atij brezi trimash, që në gjithë shqiptarinë njiheshin për të burrëri e trimëri. Ndonëse ky brez i trimave me nam të lirisë, Kosovës nuk i sollen çlirimin e bashkimin kombëtar, por brezave ju lan amanet: pushkët trimërore të lirisë.
Ky amanet përcillej nga brezi në brez, nga luftëtari ke luftëtari me porosi, që të përcillej si stafetë deri në fitoren mbi armikun e kombit. Prekazi në mënyrën më besnike e përcolli amanetin e luftëtarëve të lirisë, jo vetëm duke e mbajtur syrin në shënjestër, por duke përcjell jehonën e pushkëve të lirisë nga Prekazi në Drenicë e në Kosovë, jehonë që i mbulonte të gjitha tokat e pushtuara të Shqipërisë.
A nuk e tregoi këtë edhe Kulla e Shasivar Alisë, në dimrin e ftohtë të vitit 1945?
A nuk u përsërit kjo nga pasardhësi i Emin Latit me 13 maj 1981, kur Tahir Meha mbuloi me turp njësinë speciale të policisë beogradase, duke i shkaktuar humbje të mëdha edhe në njerëz edhe në teknikë luftarake agresorit, që kishte aktivizuar për shuarjen e celulave kryengritëse.
Të gjitha këto dhe shumë të tjera që s'u përmendën, lanë gjurmë të thella në edukimin atdhetar të Adem e Hamëz Jasharit dhe çetës së tij trime. Adem dhe Hamez Jashari do të betohen para varrit të Tahir Mehës, se do të vazhdojnë luftën për çlirim deri në fitore. Dhe, ecen guximshëm rrugës së luftëtarëve kombëtarë, duke ngritur si në aspektin organizativ, njashtu edhe duke rritur numerikisht, numrin në rradhët luftëtarëve të lirisë e të pavarësisë, duke ngritur efikasitetin e luftës çlirimtare, me çka ndryshuan rrjedhat e historisë dhe hapen një epokë të re - Epokën e Ushtrisë Çlirimtare të Kosovës.
Demonstratat e vitit 1981, ngjarjet e Pranverës së madhe studentore të vitit 1981, të cilat u shëndrruan në Lëvizje të madhe popullore, që me vite mbajten të ndezur flakadanin e lirisë e të çlirimit të kombit, patën ndikim të fortë patriotik në brezin që formuan, organizuan dhe udhëhoqen politikisht dhe ushtarakisht Ushtrinë Çlirimtare të Kosovës.
Adem Jashari dhe çeta e tij ka qenë dhe ka mbetur bërthama themeltare e UÇK-së. Në histori mundet edhe të ndodhin ngjarje të rastsishme, por Adem Jashari, çeta dhe familja e tij nuk janë rastësi e historisë, ata me ndërgjegje e vendosmëri u përgatitën për kthesën vendimtare të historisë sonë më të re.
Adem Jashari nuk shkoi rastësisht në Shqipëri për të përsosur artin e luftës, të cilin e përvetësonte me shpejtësi të rrufeshme, dallohej nga i gjithë brezi i tij. Në përgatitjet ushtarake tregoi aftësi dhe cilësi të larta në përvetësimin e artit të përdorimit të armeve të ndryshme për luftën çlirimtare. Adem Jashari, ndryshimet që po bëheshin në vitet 90, i shihte me optimizëm, prandaj me vendosmëri e sinçeritet të lartë nisi angazhimin e tij në sferën ushtarake, për organizimin e luftës çlirimtare.
Adem Jashari dhe çeta e tij nuk ishin nisur në rrugën e luftës për liri, për hirë të këtij apo atij lideri, pse ky apo ai i paskan sytë e zinj. Ata ishin nisur për çlirimin e Kosovës pa bërë llogari meskine, karieriste apo grabitëse. Ata e donin Kosovën e lirë e të pavarur. Ata ishin të liruar nga ideologjizmat, veç shqiptarizmës.
Adem Jashari dhe çeta e tij ndryshimet politike që ndodhen në vitet 90 i priti me optimizëm, besoj shumë, por nuk do të kalojë shumë kohë dhe do të zhgënjehen se kasta e "re" e politikajve po bëhej pengesë e rrjedhave të reja të historisë, po ngulfaste shpirtin luftarak të shqiptarëve liridashës.
Kur në fund të vitit 1991, në Kosovë po bëheshin arrestime të të gjithë atyre që ishin përgatitur në Shqipëri, Adem Jashari do të njoftojë çetën e tij dhe të kërkojë nga ata, që të ishin vigjilent se çdo natë armiku mund t´iu trokaste në porta. Ai do t´iu thotë shokëve: "Armët nuk i kemi marrë që t´ia dorëzojmë armikut, por që ta luftojmë deri në fishekun e fundit". Më fjalën e komandantit u pajtuan të gjithë. Dhe, nuk vonoi dita kur armiku do të trokas në portën e Jasharëve.
Ishte mëngjesi i hershëm i 30 dhjetorit 1991, ku armiku me një makineri të tërë policore kishte rrethuar Jasharajt dhe kërkuan dorëzimin e Adem Jasharit dhe Jasharëve tjerë. Adem Jashari me vëllezër e shokë apelit të armikut për dorëzim ju përgjigjen me breshëri armësh nga shumë drejtime. Ishte e çartë, çeta e Prekazit kishte vendosur epokën e luftës çlirimtare, ata mes jetës se burgut e të poshtërimit kishin zgjedhur jetën e lavdisë e të lirisë, me të gjitha pasojat që mund t´i kishte.
Vetëm të guximshmit nëpër kohë të ndryshme i kanë ndërruar rrjedhat e historisë, kështu ndodhi edhe me Adem Jasharin dhe çetën e tij. Kështu nisin aksionet luftarake mbi policinë e armikut, fillimisht në Drenicë, e për t'u përhapur më vonë ne Llap e Dukagjin, në Drini e kudo në Kosovë.
UÇK po bëhëj shpresë për popullin dhe tmerr për armikun, armikut po i rrëshqiste dheu nën këmbë, pasigurinë e shihte të çdo kaçube. Adem Jashari ishte kudo. Ai po bëhej legjendë. Ai ishte kudo ku sulmohej armiku, ai ishte në çdo cep të Kosovës. Vetëm frikacaket nuk mund t´i besonin trimërive e të bëmave të Adem Jasharit, ata nuk dëshironin ndeshjen me armikun dhe sa herë që çeta e tij sulmonte e vriste policinë kriminale të armikut do të thonin: "Këta janë dorë e zgjatur e armikut, janë të Sheshelit apo të Arkanit etj.", - dhe kjo nuk ishte diçka e re, dikush duhej të mbulonte kolaborimin me Beogradin, por paraprakisht duhej akuzohej tjetri.
Adem Jashari kishte shumë mundësi, ai kishte zgjedhur me ndërgjegje mundësinë e luftës së armatosur për liri e pavarësi, anipse ai i dinte mundësitë e veprimit luftarak të UÇK-së.
Pas luftës se 26 nëntorit 1997, në Llaushë të Re, ku mori pjesë Ademi me çetën e tij, nga e cila armiku u tërhoq me bisht nën këmbë, armiku do të bëjë plane për zhdukjen e Adem Jasharit. Kjo do të ndodhë me 22 janar 1997.
Një bandë kriminele kishte sulmuar familjen Jashari, me qëllim që të zhdukej kjo çerdhe e rrezikshme e Ushtrisë Çlirimtare të Kosovës. Por, falë gjakftohësisë e guximit të familjes dhe ndihmes që erdhi nga çeta, armiku u tërhoq pa arritur qëllimin. Ato ditë e tërë Kosova sikur ishte në Lagjen e Jasharëve. Nuk ishte e vështirë ta kuptoje mesazhin që kishte lënë armiku. Armiku ishte tërhequr i bindur se nuk kishte gjetur mënyren e eliminimit të Adem Jasharit dhe familjes Jashari.
Armiku dëshironte qoftë edhe largimin e Jasharajve nga trojet e tyre, por Jasharajt nuk i lëshonin trojet stërgjyshore. Ata as të vdekur nuk donin të shkuleshin nga vendi i tyre, për çka kishin nisur luftën. Adem Jashari dhe gjithë Jasharajt nuk e donin ikjen e poshtërimin, ata e dëshironin qëndresën, e donin lirinë dhe pavarësinë e Kosovës. Armiku pas disfatës së 22 janarit kishte filluar përgatitjet për një sulm të përmasave të mëdha policore dhe ushtarake, dhe ky sulm do të fillojë në mëngjesit e hershëm të 5 prillit 1998, pak ditë pasi policia armike kishte pasur një disfatë të Lisat Binak, në Likoshan. Këtë herë forca të mëdha ushtarake dhe policore e kishin rrethuar Prekazin, me orientim kryesor Lagjen e Jasharëve. Lufta për eliminimin e Jasharëve ishte e rreptë.
Armiku Prekazin e kishte vendosur në rreth të hekurtë dhe sulmonte nga shumë anë. UÇK-ja aso kohe i kishte mundësitë e kufizuara të sulmit e të depërtimit. Adem Jashari dhe çeta e tij sulmit armik ju përgjigjen me sulm. Lufta që zhvilloi Adem Jashari me shokë që e madhe. Sulmi i armikut vinte nga larg. Pas një rezistence të gjatë dhe herioke, armiku arriti të djegë e shkatërrojë Lagjen e Jasharëve, por jo kurrë vendosmërinë për të vazhduar luftën për liri e pavarësi.
Adem Jashari deri në vdekje luftoi e këndoi, jo vdekja e Adem Jasharit nuk është vdekje është përjetësi. Lufta për Prekazin që e ashpër. Qëndresa ishte e madhe.
Ushtria Çlirimtare e Kosovës humbi prijetarin e saj. Kosova fitoi komandantin legjendar. Me aktin e rënies se Jasharëve, Kosova mundi frikën dhe për lirinë e pavarësinë u hapen shtigje të reja.
Adem Jashari - legjendë, solli kualitet të ri në filozofinë dhe mendësinë e shqiptarëve për jetën, atdheun, lirinë për nderin dhe dinjitetin e kombit.
Rënia heroike e Adem Jasharit i dha shtytjen më të fuqishme mobilizimit, strukturimit dhe profesionalizimit të Ushtrisë Çlirimtare të Kosovës. Ushtria Çlirimtare e Kosovës fitoi hapësira të reja veprimi.

VIP-at e muzikës, “pushime” me koncerte në dy shtete

2007-09-17T19:54:00.000+02:00

Alban Skënderaj, Elvana Gjata dhe Soni Malaj japin koncerte “live” në Prishtinë

Artan KAJTAZI

Një pjesë e VIP-ave kosovarë i kanë filluar pushimet njëkohësisht me hapjen e sezonit veror. Për ta pushimet vijojnë deri në përfundimin e këtij sezoni. Disa të tjerë pushimet s’i kanë filluar ende, e rrjedhimisht, as projektet për koncerte të ndryshme. Një pjesë pushimet tashmë i kanë përfunduar. Naim Bunjaku - Xuxi pohon se pushimet verore i ka kaluar dhe do t'i kalojë në Kosovë. "Unë për vete s'jam marrë aq shumë me muzikë këtë verë, për arsye se kam qenë i angazhuar me shumë obligime rreth diskotekës. Ajo është një hapësirë e madhe dhe duhet të punohet shumë për të arritur ndonjë sukses. Ata që duhet të punojnë, mendoj në Grupin e Unitetit, nuk po punojnë, kështu që ne qytetarët po mundohemi që të punojmë maksimalisht", - shtoi ai. Thënë ndryshe, nëpër koncertet që u mbajtën kësaj vere në diskotekën “Armatizerat”, kanë kaluar emra të njohur të muzikës shqipe, si Alban Skënderaj, Kthjellu, Vullnet Marigona, Vesa Luma, Jehona Sopi, Genta Ismajli, Nora Istrefi, këngëtarë këta që Xuxi i quan me nam dhe të njohur e të mirëpritur nga publiku shqiptar. “Iu është dhënë një mundësi e mirë këngëtarëve tek unë, para së gjithash një përvojë e re, pasi këtu ata këndojnë vetëm live”, - theksoi ai. Në kuadër të projektit veror, Xuxi pohon se këtë muaj ka në plan të ftojë edhe dy këngëtaret nga Shqipëria, Elvana Gjata dhe Soni Malaj, dy nga Kosova, Rona Nishliun dhe Teuta Kurtin. “Ne këtu punojmë gati çdo ditë me DJ dhe koncerte live”. Ndërkaq, këngëtarja e re, Gresa Beluli, një pjesë të pushimeve verore i ka kaluar në Durrës, bashkë me nënën e saj, këngëtaren Shkurte Fejza. "Për pushime kam qenë 4-5 ditë në Durrës. E kam në plan të shkoj prapë me gjithë familjen në Golem. Për ato ditë sa isha atje kam shoqëruar mamin, meqenëse ajo këndonte për çdo mbrëmje, e në të njëjtën kohë edhe kemi pushuar pak me të”, - shton Gresa. Ajo tregon se ka në plan që të shkojë sërish me familje në pushime, kësaj here në Golem, ku do të qëndrojnë 7-8 ditë. ”Jam në bisedime me disa menaxherë që, në kuadër të pushimeve dhe nëse më pëlqen oferta, ta shfrytëzoj pak atë pushim dhe të mbaj ndonjë koncert për qejf, por edhe për përfitime materiale”, - përfundon këngëtarja. Vera kështu mbetet sezon vërtet i frytshëm për këngëtarët kosovarë. Shpeshherë, disa prej tyre, akoma pa bërë mirë emër, japin koncerte nëpër pishina e diskoteka të ndryshme në vend, ndërkohë që të tjerët - ata të mëdhenjtë - për muaj e verës japin koncerte në bregdetin shqiptar, pa e lënë mënjanë as diasporën. Më gjithë insistimin e gazetës, ishte e pamundur që të kontaktohej drejtpërdrejt me këngëtaren e njohur Edona Lalloshi. Vëllai i saj pohoi se “momentalisht është sezoni i verës dhe ne po organizojmë për çdo natë koncerte në Durrës”. Ai shtoi se “tani sigurisht Edona ndodhej në plazh, ku e shfrytëzon kohën e lirë që i mbetet, duke qenë se këndon për çdo mbrëmje”. Ndryshe nga shumë këngëtarë tjerë, Teuta Kurti ka refuzuar të gjitha ftesat për të marrë pjesë nëpër koncerte dhe mbrëmje të ndryshme. Teuta me të dashurin e saj pushimet i ka kaluar në Turqi. "Preferoj që pushimet t'i kaloj pa asnjë obligim. Edhe këngëtarët që këndojnë nëpër bregdet, prapëseprapë do të organizojnë edhe një pushim tjetër... Këto koncerte ata i japin vetëm për para", - theksoi Kurti. Ajo për sivjet ka në plan që t’i përfundojë sa më parë provimet në Akademi, pastaj të japë ndonjë koncert në diskoteka të ndryshme.

Marrë nga “Express” Prishtinë

100 shkrimtarët më të mirë shqiptarë të të gjitha kohërave

2007-09-17T19:51:00.000+02:00

Letërsia me vlerë tregon madhështinë e një populli. Nuk dihet nëse shkrimtarët shqiptarë e kanë menduar këtë idiomë teksa kanë shkrirë talentin e tyre në libra, romane, poezi e gjithfarësoj gjinish. Porse me veprën e tyre, të gjithë së bashku, ata padyshim që i kanë dhënë madhështi Shqipërisë. Herë-herë letërsia shqipe i ka ngjarë zgjimit të ndërgjegjes, herë-herë zbulimeve të thella gjuhësore, herë-herë, zgjimit nga gjumi letargjik i komunizmit dhe herë-herë barrikadave ideologjike që vendin tonë e kanë prekur jo rrallë.